Meqënëse njerëzit supersticiozë janë shtuar mjaft dy vitet e fundit, disa sinjale të kulturave të vjetra mund t’u vijnë atyre në ndihmë për të reduktuar pasigurinë nga ambjenti që i rrethon.

Sipas mësimeve të kulturës “feng shui” dhe traditave të tjera popullore, zgjedhja e dekorit të banesës së gjithësecilit mund të ndikojnë në shmangien e fatit të keq.

Legjenda nga e gjithë bota na kanë paralajmëruar ndaj fatit të keq prej shekujsh, sipas të cilave sende të caktuara ne shtëpi mund të shtojnë energjinë negative prandaj janë më mirë të lihen jashtë.

Disa nga rrëfenjat e temës rënqethin mishin me koinçidencat e tyre dhe janë origjina e vërtetë e faktit se përse njerëzit bëhen supersticiozë.

Karriket lëkundëse

A lëvizi gjë karrigia?! Apo ishte vetëm era? Një karrike e tillë në një dhomë të zbrazët mund të shtojë pasigurinë edhe për çështje të tjera të personit. Sipas legjendave irlandeze një karrige lëkundëse e zbrazët është një ftesë për shpirtrat që të ulen.

Boja e jeshile

Ky supersticion e ka zanafillën në një fakt historik, ku boja e gjelbër ka sjellë nganjëherë dhe vdekjen.

Në shekullin e 18-të boja e jeshile e errët prodhohej nga një element i sapozbuluar i quajtur arsenik hidrogjeni. Por muret e lyera me të kur merrnin lagështirë lëshonin tymra toksike duke sëmurur banorët apo punonjësit e farikave.

Vetëm në vitin 1822 publiku u vu në dijeni të rreziqeve të saj por supersticini i mureve të gjelbra mbetet fat i keq edhe sot.

Ora të prishura ose të ndaluara

Tradita kineze feng shui paralajmëron kundër mbajtjes së orave të prishura në shtëpinë tuaj pasi sipas bestytnisë ato përfaqësojnë rrëmujë të brendshme dhe të jashtme, që nuk duhet të ketë vend në shtëpinë tuaj.

Një orë e prishur në shtëpi mund të sjellë fat të keq. Feng shui dikton se mjetet e matjes së kohës duhet të jenë në rregull, në mënyrë që të ecni përpara me jetën tuaj.

Kaktusët

Parimet e kulturës Feng shui thonë se bimët me gjemba janë magnete për atmosferë negative.

Gjembat e kaktusëve ose bimëve të ngjashme mund të sjellin tension në marrëdhëniet e shtëpisë. Këtu bëhet një përjashtim për trëndafilët, të cilët besohet se kompensojnë energjinë pozitive me lulet e tyre elegante.

Krevati i paregulluar

Ndoshta një supersticion i sajuar nga prindërit e pakënaqur me fëmijët rrëmujaxhinj, por gjithsesi gojëdhanat thonë se mund të sjellë pagjumësi për përgjegjësit.

Prandaj për një gjumë të qetë çarçafët duhet të lëmohen dhe jastëkët duhet të rrihen në formën e tyre optimale.

Çadra të hapura

Kujdesi kundër çadrave të hapura ne shtepi daton prej Egjiptit të lashtë. Asokohe ky objekt të mbronte nga moti i keq por brenda shtëpisë tregojnë mungesë respekti për shpirtrat që mbrojnë banesën tuaj.

Bimë të vdekura ose të thara

Nëse doni që shtëpia juaj të mos mbushet me energji negative, mos lejoni që bimë të pajeta të mbeten në dukje. Nga ana tjetër, edhe pamja e tyre nuk e bën shtëpinë tuaj mikpritëse apo të paraqitshme.

Kafshë të balsamosura

Ashtu si me bimët e vdekura, edhe kafshët e vdekura nuk sjellin energji pozitive në banesën tuaj, sado të të zbukuruara të jenë nga pamja e jashtme.

Sado jo-supersticioz të jetë i zoti i një shtëpie, shfaqja e kufomës së një kafshe mund të jetë një mesazh anti-mikrpitjeje për të ftuarit.

E njëjta gjë vlen për vepra arti që përfaqësojnë shkatërrim, anije të mbytura apo beteja të përgjakshme.

Kalendarë të vjetëruar

Të mbash një kalendar të vjetëruar në shfaqje në shtëpi është të sfidosh fatin njëlloj si me orët e prishura.

Dijetarët Feng shui paralajmërojnë kundër të gjitha objekteve që nuk matin kohën korrektësisht. Prandaj sigurohuni që kalendari juaj të mos mbetet prapa.

Ne galerine e meposhtme gjeni ilustrimet …

Lini një Përgjigje

Adresa juaj email s’do të bëhet publike.

Previous post Shenjat e çrregullimeve hormonale që nuk duhen injoruar
Next post Kikirikët / Arrorët e duhur për të shmangur diabetin
Close